ബെംഗളൂരു: e4m ഇന്ത്യന് മാര്ക്കറ്റിംഗ് അവാര്ഡ്സ് സൗത്ത് 2026 പുരസ്കാര വേദിയില് ‘ഏജന്സി ഓഫ് ദി ഇയര്’, ‘ബെസ്റ്റ് സ്റ്റാര്ട്ടപ്പ് ഓഫ് ദി ഇയര്’ എന്നീ രണ്ട് വമ്പന് പുരസ്കാരങ്ങളും നേടി ഭാരത് മീഡിയ & എന്റര്ടൈന്മെന്റ് ഗ്രൂപ്പ് (BMEG). പ്രവര്ത്തനം തുടങ്ങി നാലാം വര്ഷത്തിലാണ് ഏജന്സി, ഇന്ത്യന് അഡ്വര്ട്ടൈസിംഗ് ഇന്ഡസ്ട്രിയിലെ മികച്ച പുരസ്കാരങ്ങള് നേടിയിരിക്കുന്നത്. ഏതാനും മാസങ്ങള്ക്ക് മുമ്പ് നടന്ന ABBY Awards 2026 വേദിയില് ‘ഡിസൈന് സ്പെഷ്യലിസ്റ്റ് ഏജന്സി ഓഫ് ദി ഇയര്’ പുരസ്കാരവും ബിഎംഇജി സ്വന്തമാക്കിയിരുന്നു.
ആദ്യ ദിവസം മുതല് കെട്ടിപ്പടുത്ത മികച്ച പ്രവര്ത്തനശൈലിക്കുള്ള അംഗീകാരമാണിതെന്ന് ബിഎംഇജി പ്രതികരിച്ചു. ഡാറ്റ, ഇന്സൈറ്റ്, ഇമാജിനേഷന്, ടെക്നോളജി, കണ്ടന്റ്, മീഡിയ എന്നിവ ഒരൊറ്റ ശൃംഖലയായി പരസ്പരം കോര്ത്തിണക്കി മുന്നോട്ട് കൊണ്ടുപോയ സ്ട്രാറ്റജിയാണ് വിജയം കണ്ടതെന്നും കമ്പനി വ്യക്തമാക്കി.
VERSE Innovation-ന്റെ കീഴിലാണ് നാല് വര്ഷം മുന്പ് ബിഎംഇജി രൂപീകൃതമായത്. ഇന്ത്യക്കാര് എങ്ങനെ വായിക്കുന്നു, സ്ക്രോള് ചെയ്യുന്നു, കാണുന്നു, ഷെയര് ചെയ്യുന്നു എന്നതിനെക്കുറിച്ച് 15 വര്ഷമായി നേടിയെടുത്ത കൃത്യമായ അറിവുകള്, വെറുമൊരു ഡിജിറ്റല് പ്ലാറ്റ്ഫോം നിര്മ്മിക്കുന്നതിന് മാത്രമല്ല, മറിച്ച് വമ്പന് ബ്രാന്ഡുകളെ കെട്ടിപ്പടുക്കുന്നതിനുള്ള ഒരു തന്ത്രമായി മാറ്റാം എന്നതായിരുന്നു ബിഎംഇജി രൂപീകരണത്തിന്റെ ലക്ഷ്യം.
