ഇലക്ട്രിക് വാഹനങ്ങളെയും (ഇവി) ന്യൂജനറേഷന് ഓട്ടോമൊബൈല് വിഭാഗത്തെയും അടിസ്ഥാനമാക്കിയുള്ള ഇന്ത്യയിലെ ആദ്യത്തെ തീമാറ്റിക് ഇന്ഡക്സ് പുറത്തിറക്കി എന്എസ്ഇ ഇന്ഡിസസ് ലിമിറ്റഡ്. നാഷണല് സ്റ്റോക്ക് എക്സ്ചേഞ്ച് ഓഫ് ഇന്ത്യയുടെ (എന്എസ്ഇ) അനുബന്ധ സ്ഥാപനമാണ് എന്എസ്ഇ ഇന്ഡിസസ് ലിമിറ്റഡ്.
നിഫ്റ്റി ഇവി & ന്യൂ ഏജ് ഓട്ടോമോട്ടീവ് ഇന്ഡക്സ് എന്നാണ് സൂചികയുടെ പേര്. ഇവി ഇക്കോസിസ്റ്റത്തിന്റെ ഭാഗമായ കമ്പനികളുടെ പ്രകടനം ട്രാക്കുചെയ്യാന് ലക്ഷ്യമിട്ടാണ് സൂചിക രൂപീകരിച്ചിരിക്കുന്നതെന്ന് നാഷണല് സ്റ്റോക്ക് എക്സ്ചേഞ്ച് അറിയിച്ചു.
ഇവി ഇക്കോസിസ്റ്റത്തിന്റെ ഭാഗമായ കമ്പനികളുടെ പ്രകടനം ട്രാക്കുചെയ്യാന് ലക്ഷ്യമിട്ടാണ് സൂചിക രൂപീകരിച്ചിരിക്കുന്നതെന്ന് നാഷണല് സ്റ്റോക്ക് എക്സ്ചേഞ്ച് അറിയിച്ചു
2018 ഏപ്രില് 02 ആണ് സൂചികയുടെ അടിസ്ഥാന തിയതി. അടിസ്ഥാന മൂല്യം 1000 ആണ്.
പുതിയ സൂചിക അസറ്റ് മാനേജര്മാര്ക്ക് ഒരു മാനദണ്ഡമായി പ്രവര്ത്തിക്കുമെന്നും എക്സ്ചേഞ്ച് ട്രേഡഡ് ഫണ്ടുകള് (ഇടിഎഫ്), ഇന്ഡക്സ് ഫണ്ടുകള്, ഘടനാപരമായ ഉല്പ്പന്നങ്ങള് എന്നിവയുടെ രൂപത്തില് നിഷ്ക്രിയ ഫണ്ടുകള് ട്രാക്ക് ചെയ്യുന്ന ഒരു റഫറന്സ് സൂചികയായിരിക്കുമെന്നും എന്എസ്ഇ സൂചിപ്പിച്ചു.
സൂചിക ആറുമാസത്തിലൊരിക്കല് പുനഃസ്ഥാപിക്കുകയും ത്രൈമാസ അടിസ്ഥാനത്തില് പുനഃസന്തുലിതമാക്കുകയും ചെയ്യും.
നിലവില്, എന്എസ്ഇയില് നിഫ്റ്റി കമ്മോഡിറ്റീസ്, നിഫ്റ്റി ഇന്ത്യ കണ്സപ്ഷന്, നിഫ്റ്റി സിപിഎസ്ഇ, നിഫ്റ്റി എനര്ജി, നിഫ്റ്റി ഇന്ഫ്രാസ്ട്രക്ചര് എന്നിങ്ങനെ 17 തീമാറ്റിക് സൂചികകളുണ്ട്.
(Disclaimer: This does not constitute investment advice. Investors are advised to evaluate independently and consult with professional advisors before making any investments in the stock market, mutual funds, gold, or cryptocurrencies)
(Disclaimer: This does not constitute investment advice. Investors are advised to evaluate independently and consult with professional advisors before making any investments in the stock market, mutual funds, gold, or cryptocurrencies.)
