മൂല്യത്തില്‍ പുതിയ റെക്കോഡിട്ട് മുകളിലേക്കു കുതിച്ച് ബിറ്റ്‌കോയിന്‍. ജൂലൈയില്‍ സൃഷ്ടിച്ച സര്‍വകാല റെക്കോഡ് ഭേദിച്ച് 1,24,500 ഡോളര്‍ എന്ന മൂല്യത്തിലേക്കാണ് ഏറ്റവും വലിയ ക്രിപ്‌റ്റോകറന്‍സി ഉയര്‍ന്നത്. നിക്ഷേപകര്‍ ലാഭമെടുത്തതോടെ പിന്നീട് വില 1,18,000 ഡോളറിലേക്ക് കുറഞ്ഞു. യുഎസിന്റെ അനുകൂല നിയമനിര്‍മ്മാണവും യുഎസ് ഓഹരി വിപണിയിലെ കുതിപ്പുമാണ് ബിറ്റ്‌കോയിനും ഇന്ധനമായിരിക്കുന്നത്.
ക്രിപ്‌റ്റോകറന്‍സിയുടെ കുതിപ്പിന് കാരണമായ എസ് ആന്റ് പി 500 സൂചികയും ടെക് ഓഹരികളുടെ സൂചികയായ നാസ്ഡാക്കും ഈ ആഴ്ച പുതിയ ഉയരങ്ങളിലെത്തി. ടെക് ഓഹരികളുടെ മുന്നേറ്റം സമാന്തരമായി ബിറ്റ്‌കോയിനും സഹായകരമാവാറുണ്ട്. ടെക് ഓഹരികളിലും ബിറ്റ്‌കോയിനിലും ഒരേസമയം നിക്ഷേപിക്കുന്ന നിരവധി നിക്ഷേപകരുണ്ട്.
ക്രിപ്‌റ്റോ കറന്‍സികളെ ശക്തമായി പിന്തുണക്കുന്ന യുഎസ് പ്രസിഡന്റ് ഡൊണാള്‍ഡ് ട്രംപ് അടുത്തിടെ ക്രിപ്‌റ്റോകറന്‍സികളെ നിയമവിധേയമാക്കിയിരുന്നു. ഇതാണ് നിക്ഷേപകരുടെ വിശ്വാസം ഉയരാനുള്ള കാരണം. നിയമനിര്‍മാണത്തിന് ശേഷം ബിറ്റകോയിനടക്കം എന്നാ ക്രിപ്‌റ്റോകറന്‍സികളിലും മുന്നേറ്റം ദൃശ്യമാണ്.
2015 ല്‍ വെറും 280 ഡോളര്‍ മാത്രമായിരുന്നു ബിറ്റ്‌കോയിന്റെ വില. അതില്‍ നിന്നാണ് 1.25 ലക്ഷം ഡോളറിലേക്കുള്ള സ്വപ്‌നതുല്യമായ കുതിപ്പ്. രൂപയുടെ അടിസ്ഥാനത്തില്‍ പറഞ്ഞാല്‍ നിലവില്‍ ഒരു ബിറ്റ്‌കോയിന്റെ വില 1,03,24,500 രൂപയാണ്.
(Disclaimer: This does not constitute investment advice. Investors are advised to evaluate independently and consult with professional advisors before making any investments in the stock market, mutual funds, gold, or cryptocurrencies)
(Disclaimer: This does not constitute investment advice. Investors are advised to evaluate independently and consult with professional advisors before making any investments in the stock market, mutual funds, gold, or cryptocurrencies.)
