കേരളത്തിന്റെ വാണിജ്യ തലസ്ഥാനമായ കൊച്ചി, ആഗോള ബിസിനസ് ഭൂപടത്തിൽ തന്ത്രപ്രധാനമായ ഒരു വിപണന കവാടമായി മാറുകയാണ്. ‘മികവിനെ പുനർനിർവചിക്കുക’ (Excellence Reimagined) എന്ന ആശയവുമായി പ്രോഫിറ്റ് സ്റ്റാൻഡേർഡ് മാസികയും പ്രോഫിറ്റ് ന്യൂസും ഇൻഡോ കോണ്ടിനെന്റൽ ട്രേഡ് ആൻഡ് എന്റർപ്രണർഷിപ്പ് പ്രമോഷൻ കൗൺസിലും (ICTEPC) സംയുക്തമായി നടത്തുന്ന പ്രോഫിറ്റ് – ടസ്കർ അവാർഡ്സ് & ബിസിനസ് സമ്മിറ്റ് 2026 ജൂൺ 6-ന് കൊച്ചി ക്രൗൺ പ്ലാസയിൽ ഉച്ചയ്ക്ക് 3.00 മുതൽ രാത്രി 9.00 വരെ നടക്കും. സംരംഭകർക്ക് അന്താരാഷ്ട്ര നിലവാരത്തിലുള്ള മികവ് കൈവരിക്കാനുള്ള ദിശാബോധം നൽകും. നൂതന ആശയങ്ങളും സ്ട്രാറ്റജിക് നിക്ഷേപ സാധ്യതകളും സമന്വയിക്കുന്ന ഈ വേദി, പ്രാദേശിക വിപണിയിലെ സാമ്പത്തിക ചലനാത്മകതയ്ക്ക് പുതിയ വേഗം പകരും.
പ്രോഫിറ്റ് – ടസ്കർ അവാർഡ്സ് & ബിസിനസ് സമ്മിറ്റ് 2026ന് നേതൃത്വം നൽകാൻ ഭരണ-നയതന്ത്ര രംഗത്തെ പ്രമുഖരാണ് ഇത്തവണ അണിനിരക്കുന്നത്. കേന്ദ്ര എം.എസ്.എം.ഇ മന്ത്രി ജിതൻ റാം മാഞ്ചിയുടെ സാന്നിധ്യം രാജ്യത്തെ ചെറുകിട-ഇടത്തരം സംരംഭങ്ങൾക്ക് ആവശ്യമായ സർക്കാർ പിന്തുണയും വളർച്ചാ അവസരങ്ങളും ഉറപ്പാക്കുന്നു.യു.എ.ഇ മുൻ പരിസ്ഥിതി ജല മന്ത്രിയും ‘ഇൻവെസ്കോർ’ (Invescore) സീനിയർ വൈസ് പ്രസിഡന്റുമായ എച്ച്.ഇ. ഡോ. മുഹമ്മദ് എസ്. അൽ കിന്ദിയുടെ പങ്കാളിത്തം, മധ്യപൂർവേഷ്യൻ വിപണികളിലേക്കുള്ള പ്രവേശനവും ആഗോള മൂലധന നിക്ഷേപവും സുഗമമാക്കും. ഡോ. ശശി തരൂർ എം.പിയുടെ സാന്നിധ്യം സംരംഭങ്ങളെ അന്താരാഷ്ട്ര നിലവാരത്തിലേക്ക് ഉയർത്താനുള്ള പുതിയ കാഴ്ചപ്പാടുകൾ പ്രദാനം ചെയ്യും.
അന്താരാഷ്ട്ര തലത്തിലുള്ള പ്രമുഖരുടെ സാന്നിധ്യം ഈ ഉച്ചകോടിയെ ഒരു ആഗോള ബിസിനസ് ഹബ്ബായി മാറ്റും.ബിസിനസ് നെറ്റ്വർക്കിംഗിനും ഇന്നൊവേഷനും സമാനതകളില്ലാത്ത അവസരമാണ് പ്രോഫിറ്റ് – ടസ്കർ അവാർഡ്സ് & ബിസിനസ് സമ്മിറ്റ് ഒരുക്കുന്നത്.ബിസിനസ്, ലീഡർഷിപ്പ്, നവീകരണം എന്നീ മേഖലകളിൽ അന്താരാഷ്ട്ര നിലവാരം പുലർത്തുന്ന മികവിനെ അവാർഡ് നൽകി ആദരിക്കുക, സംരംഭകർക്ക് ആഗോള നിക്ഷേപകരുമായും നയരൂപകർത്താക്കളുമായും നേരിട്ട് സംവദിക്കാൻ നിക്ഷേപ സൗഹൃദ അന്തരീക്ഷം ഒരുക്കുക എന്നിവയാണ് സമ്മിറ്റിനു പിന്നിലെ പ്രധാന ലക്ഷ്യങ്ങൾ. സമ്മിറ്റിനോട് അനുബന്ധിച്ച് ദേശീയ ബ്രാൻഡിംഗ് , എന്റർപ്രെണർഷിപ് രംഗത്തെ പ്രമുഖർ ഉൾപ്പെടുന്ന പാനൽ ഡിസ്കഷനുകൾ ഉണ്ടായിരിക്കും.
പ്രോഫിറ്റ് – ടസ്കർ ബിസിനസ് സമ്മിറ്റ് 2026 കേവലമൊരു ബിസിനസ് മീറ്റല്ല, മറിച്ച് ഭാവിയിലെ ആഗോള ബിസിനസ് പരിവർത്തനങ്ങൾക്കുള്ള സുപ്രധാന നാഴികക്കല്ലാണ്. ഇതിൽ പങ്കുചേരുന്നതിലൂടെ ലഭിക്കുന്ന അന്താരാഷ്ട്ര എക്സ്പോഷറും ഉന്നതതല ബന്ധങ്ങളും ഓരോ സംരംഭകന്റെയും വളർച്ചയെ ദീർഘകാലാടിസ്ഥാനത്തിൽ സ്വാധീനിക്കുന്നു.
